Назар аударыңыз! Құрметті Qoldau.kz веб-порталының пайдаланушылары!

<р5> 17.10.2024 жылдан бастап пайдаланушылардың авторизация тәртібі өзгертілді:

1) авторизациялау процесін оңтайландыру мақсатында пайдаланушының есептік жазбасынан пароль алынып тасталады. Көбінесе пайдаланушылар өздерінің паролін есептік жазбадан ұмытып кетеді, бұл іс жүзінде парольді үш реттен артық дұрыс көрсетпеген жағдайда пайдаланушының бұғатталуына әкеледі. Пайдаланушының құлпын ашу тек тіркеушіге жүгіну арқылы жүзеге асырылатын, бұл белгілі бір қолайсыздықты тудыратын;

2) егер сіз ағымдағы құрылғыда (дербес компьютерде, смартфонда және т.б.) бірінші рет авторизацияланатын болсаңыз, онда жүйе автоматты түрде МАБ-да (мобильді азаматтар базасында) тіркелген ұялы телефон нөміріне жіберілген құрылғыны тексеру кодын сұрайды. Бұл рәсім ақпараттық қауіпсіздікті қамтамасыз ету мақсатында іске асырылды және сәтті тексерілген уақыттан бастап 30 күнтізбелік күн өткеннен кейін пайдаланушы осы рәсімнен қайта өтуі қажет болады.

Анықтама. Егер МАБ-да пайдаланушының телефон нөмірі дұрыс тіркелмеген жағдайда, мұндай нөмірді түзету "электрондық үкімет" веб-порталы (egov.kz) арқылы жүзеге асырылады.

Қосымша өз ЭЦҚ кілттерін (жеке немесе заңды тұлғадан) үшінші тұлғаларға (оның ішінде ұйым қызметкерлеріне, әріптестеріне және т.б.) бермеуге кеңес береміз, өйткені бұл үшін Қазақстан Республикасының заңнамасына сәйкес әкімшілік жауапкершілік көзделген. ҚР ӘҚБтК 640-бабының 5-тармағына сәйкес (https://adilet.zan.kz/rus/docs/K1400000235#z2140) ЭЦҚ жабық кілтін басқа тұлғаларға заңсыз беру: жеке тұлғаларға - 10 АЕК, лауазымды адамдарға, шағын кәсіпкерлік субъектілеріне немесе коммерциялық емес ұйымдарға - 15 АЕК, орта кәсіпкерлік субъектілеріне - 30 АЕК, ірі кәсіпкерлік субъектілеріне - 150 АЕК айыппұл салуға әкеп соғады.